خبرگزاری راسک: براساس گزارش رسانههای بینالمللی، سفیر روسیه در شهر دوشنبه پایتخت تاجیکستان، به تازگی طی یک اظهارات از آمادگی مسکو به منظور همکاری با تاجیکستان برای مقابله با تهدیدهای ناشی از افغانستان خبر دادهاست.
خبرگزاری تاس، به نقل از سمیون گریگوریف سفیر روسیه در تاجیکستان گزارش داده که اقدامات مقامهای تاجیکستان در امر سرکوب قاچاق و عرضهی مواد مخدر از افغانستان و نظارت بر اوضاع این کشور از سوی روسیه استقبال شدهاست.
براساس گزارش خبرگزاری تاس، سفیر روسیه افزوده که این کشور، برای همکاری با دوشنبه در چارچوب سازمان همکاری شانگهای (SCO) به منظور دستیابی به روشهای جدید مقابله با تهدیدهای ناشی از افغانستان آماده است.
گریگوریف گفت: «ما از اقدامات جانب تاجیکستان در امر نظارت بر اوضاع افغانستان، تلاشهای ملی به منظور جلوگیری از رایجشدن ایدیولوژی افراطی و مبارزه با قاچاق مواد مخدر از خاک افغانستان بسیار قدردانی میکنیم.»
او میافزاید: «ما برای همکاری با دوشنبه در چوکات سازمان همکاری شانگهای آماده هستیم، تا به سازوکارهای تازه و مفید برای مقابله با تهدیدهای موجود در این مسیر دست یابیم.»
این دیپلمات روسیه در ادامه اضافه کرده که مسکو همچنان از دیگر ابتکارات امامعلی رحمان رییسجمهور تاجیکستان در سازمان همکاری شانگهای حمایت کرده و این ابتکارات را یک امر مفید میداند.
به گفتهی سفیر روسیه، با اشاره به سخنان امامعلی رحمان رییسجمهور تاجیکستان که گفته بود، این منطقه آسیای مرکزی بوده و باید هستهی اصلی سازمان همکاری شانگهای باشد، افزود، روسیه در این موضع و در چارچوب روابط با تاجیکستان و سایر کشورهای آسیای مرکزی متحد مشترک میباشد.
این در حالیاست که پیش از این، تاجیکستان در یک نشست در بارهی وضعیت افغانستان گفته بود که نسبت به اقدامهای افغانستان تحت تسلط گروه طالبان در امر مبارزه با مواد مخدد، قانع نشدهاست.
