خبرگزاری راسک: وزارت خارجۀ تاجیکستان میگوید که نمایندگان ویژۀ کشورهای آسیای مرکزی و اتحادیه اروپا در ششمین نشست خود در مورد افغانستان، تحولات سیاسی، اقتصادی و اجتماعی این کشور را بررسی کردند. این وزارت گفته است که این نشست دیروز (چهارشنبه، ۱۷ دلو / بهمن) در شهر دوشنبه، پایتخت تاجیکستان برگزار شد.
وزارت خارجۀ تاجیکستان گفته است که اشتراککنندگان این نشست در مورد وضعیت حقوق بشر در افغانستان، از جمله وضعیت زنان و دختران و چالشها و تهدیدات امنیتی افغانستان نیز گفتوگو کردند. اتحادیه اروپا و آسیای مرکزی بر تشکیل دولت فراگیر و لغو محدودیت علیه زنان در افغانستان تأکید کردند. این وزارت افزوده است که در این نشست رویکرد کشورهای آسیای مرکزی و اتحادیه اروپا برای کمک به افغانستان نیز بررسی شد.
اکثر کشورهای آسیای مرکزی بهجز تاجیکستان تعامل گستردۀ سیاسی و اقتصادی با طالبان دارند. اما در عین حال مقامهای این کشورها و سازمان پیمان امنیت جمعی بارها از تهدیدات امنیتی ناشی از افغانستان ابراز نگرانی کردهاند. تاجیکستان از همان ابتدا از سیاستهای قومی و امنیتی گروه طالبان در افغانستان و منطقه ابراز نگرانی کردند و حضور این گروه را به معنای تهدید جدی برای کشورهای آسیایی مرکزی به ویژه تاجیکستان دانستند.
گروه طالبان هم طی سو نیم سال گذشته بیشترین تلاش شان را برای نا امن سازی و تبلغیات منفی علیه تاجیکستان انجام دادند، آنها گروه انصارالله تاجیکستان و سایر گروههای تروریستی و همپیمان خود را در مرزهای تاجیکستان جابهجا کردند.
نمایندگان ویژۀ کشورهای آسیایمرکزی و اتحادیه اروپا در باره افغانستان گفتوگو کردند
ما را دنبال کنید
مطالب مرتبط
- تبلیغات -
