خبرگزاری راسک: لیسهی تعلیمات عالی سامانیان، تنها مکتبی که کودکان مهاجر افغانستانی در تاجیکستان در آن مصروف فراگیری علم و دانش بودند، به روی دانشآموزان بسته شدهاست.
گزارشهایی که روز یکشنبه، ۶حوت/ اسفند، به دسترس رسانهها قرار گرفته، میرساند که این مکتب بهدلیل چالشهای مالی و اقتصادی در هفتهی گذشته به روی دانشآموزان بسته شدهاست.
در همینحال، براساس گزارشهای بهدست رسیده، هماکنون این مکتب به محوطهی دفتر سفارت افغانستان در شهر دوشنبه، پایتخت تاجیکستان انتقال داده شده و دانشآموزان در آنجا مصروف درس خواندن هستند.
این درحالیست که پس از رویکار آمدن گروه طالبان در افغانستان، کمکهای مالی به این لیسه قطع شده و بهخاطر همین مشکل، این لیسه به روی دانشآموزان مسدود شدهاست.
گفتنیست، لیسهی تعلیمات عالی سامانیان، در شهر دوشنبه، پایتخت تاجیکستان، در سال ۲۰۰۱ میلادی، براساس توافقنامهای میان وزارت معارف افغانستان و حکومت تاجیکستان ایجاد شده بود.
