خبرگزاری راسک: ویدیویی از مولوی امانالدین منصور، فرماندهی تاجیکتبار طالبان، منتشر شده، که او ادعا میکند اگر طالبان اجازه بدهند بدخشان تاجیکستان را در یک روز تصرف میکند.
منصور فرماندهی قول اردوی عمری طالبان در زون شمال شرق افغانستان است. او در یک بحث خودمانی در بارهی حمله به تاجیکستان میگوید: «گرفتن تاجیکستان به کله[عهده] من.»
منصور همچنان میگوید که طالبان قندز، تخار و بدخشان به گرفتن تاجیکستان کافی است.
عضو دیگر طالبان که در این مجلس حضور دارد، به تایید حرفهای فرمانده امانالدین در بارهی گرفتن تاجیکستان، میگوید: « هیچ چی هم ندارد تاجیکستان.»
یک عضو طالبان نیز میگوید: «آنها [تاجیکستانیها] مرده را ندیدهاند و یکی را بزنید، کل شان میگریزند.»
این بحث خودی طالبان ادامه پیدا میکند و اعضای این گروه با حالت هیجانزده در مورد تصرف تاجیکستان صحبت میکنند. منصور میگوید: «بخدا همین مجاهدین خود ما همین حالا امر کنی، بسته استان بدخشان شان [بدخشان تاجیکستان] را میگیرند. همینطور شوقی هم هستند و شله هم هستند که یک بار شما قومنده کنید.»
او همچنان میافزاید: «یک مشکل کمی روسها هستند. این روسها هم حالا در جنگ اوکراین اینقدر مبتلا شدهاند؛ خدا زد شان.»
بهنظر میرسد طالبان بدخشانی در مورد تصرف تاجیکستان نیز باهم گفتوگو میکنند و در این ویدیو شوق آنها به گرفتن تاجیکستان معلوم میشود.
طالبان پیش از این نیز دولت تاجیکستان را غیر اسلامی خوانده و رییس جمهور آن کشور را تکفیر کردهاند.
تاجیکستان بارها از خاک افغانستان احساس نگرانی کرده و گفته ممکن هراسافگنان از افغانستان به تاجیکستان حمله کنند.
کتاب فوزیه کوفی در حاشیهی نشست امنیتی هرات رونمایی شد
ادعای منابع: طالبان قصد دارند ۳٠ هزار پشتون را زیر نام «مهاجرین» به بدخشان انتقال بدهند
هکرها ویدیوی را پخش کردند که ترامپ را در حال لیسیدن پای ایلان ماسک نشان میدهد
سفر استاد سیاف و شماری از چهرههای سیاسی دیگر به تهران
امانالدین منصور: اگر طالبان اجازه بدهند گرفتن کل تاجیکستان بهعهدهی من
