خبرگزاری راسک: امامعلی رحمان، رئیسجمهور تاجیکستان با جنرال عاصم ملک، رئیس سازمان اطلاعات ارتش پاکستان (آیاسآی) در شهر دوشنبه دیدار کرده است. دفتر ریاستجمهوری تاجیکستان روز دوشنبه در اعلامیهای گفت آنها درباره «تامین صلح، ثبات و امنیت منطقهای» گفتوگو کردند.
بر اساس خبرنامه، امام علی رحمان از روابط دو کشور ابراز رضایت کرده و تاکید کرده است که در کنار همکاریهای امنیتی، تماسهای مستمر مقامهای دو کشور به سود تاجیکستان و پاکستان است. آنها بر همکاری بیشتر در مبارزه با تروریسم، افراطگرایی و قاچاق مواد مخدر تاکید کردند.
این دیدار در زمانی برگزار میشود که تنشها میان پاکستان و طالبان در افغانستان در حال افزایش است. در روزهای اخیر، در مرزهای دو کشور درگیریهای مسلحانه رخ داده و تلفات در هر دو طرف گزارش شده است. تاجیکستان، میزبان سران جبهه مقاومت ملی افغانستان است و از معدود کشورهایی در منطقه است که با طالبان روابط رسمی دیپلوماتیک ندارد. طالبان در سال 2021 میلادی افغانستان را طی یک معاملۀ ننگلین با امریکاییها و دولت اشرف غنی تسلیم شدند، تاجیکستان نخستین کشوری بود که از همان ابتدا، غافلگیر نشد و حضور این گروه را تهدیدی برای منطقه دانست.
تاجیکستان در سه سال و اندی حاکمیت طالبان، بارها از حضور گروههای تروریستی در افغانستان ابراز نگرانی کرده است. این کشور از حامیان اصلی جبهه مقاومت ملی برضد طالبان است. هنوز مشخص نیست که رئیس آیاسآی با سران جبهه مقاومت ملی دیدار کرده است و یا خیر. پیشتر برخی دیپلوماتهای پاکستانی هشدار داده بودند که اگر طالبان جلو حملات تیتیپی را نگیرد، این کشور میتواند با جبهه مخالف این گروه رابطه برقرار کند.
جنرال عاصم ملک به تازگی به حیث رئیس آیاسآی گماشته شده است.
دیدار رئیس آیاسآی پاکستان با رئیسجمهور تاجیکستان
ما را دنبال کنید
مطالب مرتبط
- تبلیغات -
